ORELLAS

Nesta época , en case todos os fogares, cocíñanse postres típicos como as filloas, as flores, ou as orellas. Estas últimas son a especialidade da miña irmá que moi amablemente ( non lle quedou máis remedio…) nos cedeu a receita . Pensaba titulalas “ As orellas de miña irmá “   ou   “ As orellas de Ana” pero tiven medo de crear confusión…

       Velaí vai esta receita da miña tradición familiar:

INGREDIENTES:

 - ½ kg de fariña

     - 150g de manteiga

         - 3 ovos

             - ½ vaso de anís

                 - reladura de limón  

                

ELABORACIÓN:

Nun bol introducimos todos os ingredientes:  a fariña,   



      a manteiga ( un pouco derretida ),







os ovos,



      

        as reladuras de limón,

 

e o anís,



                 e mesturamos coa man.

 

              

             Engadimos fariña se é necesario.
                A masa debe saír dos dedos con facilidade.



Continuamos amasando fóra do bol ata conseguir unha masa branda pero compacta.

                               





Untamos o mesado cun pouco de aceite e imos colocando enriba pequeñas bólas de masa . Estirámolas  o máis finas posible axudándonos cun rolo.

                     

                                                                Xa só queda fritir en aceite de oliva.

Para darlle a forma de “orella” empregamos dous garfos  e mantemos  a posición uns segundos.

 Sacámolas antes de que se douren.

Deixámolas un momento sobre papel absorbente.

Cando xa as poñemos no prato definitivo engadímoslle azucre “glass” . Nós facémolo moendo o azucre normal e gústanos máis que o que se merca.

Verdade que é moi sinxela esta receita?

Xa veredes como… YUMMY   YUMMY!